२२औं कार्यकुशलता तथा सिकाई कार्यशाला सम्पन्न

बुडोल सामुदायिक बचत तथा ऋण सहकारी संस्था लि.को आयोजनामा होटल उग्रचण्डी बनेपामा एक्सेस ब्राण्डिङ्ग कार्यक्रमको पहिलो ब्याचमा सहभागी ७ वटा संस्थाहरुको सहभागीतामा २२औं कार्यकुशलता तथा सिकाई ब्यवस्थापन कार्यशाला सम्पन्न भएको छ । कार्यक्रममा काभ्रेका बुडोल सामुदायिक साकोस, विन्धवासिनी साकोस र सामुदायिक साकोस, भक्तपुरका सिद्धिगणेश साकोस, उपकार साकोस र वाराही साकोस र दोलखाको जनसचेतन साकोसको तर्फबाट अध्यक्ष, एक्सेस कार्यदलको संयोजक र उच्च ब्यवस्थापनको कर्मचारीहरुको सहभागीता रहेको थियो । बुडोल सामुदायिक साकोसका अध्यक्ष श्री रामहरि के.सी.को संयोजकत्वमा संचालित कार्यक्रममा नेपाल बचत तथा ऋण केन्द्रीय सहकारी संघ लि. (नेफ्स्कुन) काअध्यक्ष श्री डि.बी.बस्नेतको प्रमुख आतिथ्यता रहेको थियो । नेफ्स्कुनका बरिष्ठ कार्यक्रम अधिकृत प्रेमनाथ वाग्लेले सहजीकरण गर्नुभएको उक्त कार्यशालाबाट सामसामयिक विषयमा १५ बुँदाको निर्णय गरिएको थियो ।