संस्थाले मिति २०७८ साल मंसीर ११ गते, शनिबार सहकारी शिक्षा शिविर सम्पन्न गरेको छ । संस्थाको धुलिखेल सेवाकेन्द्र कार्यालयमा आयोजित उक्त शिविरमा संस्थामा कोपिला बालबचतबाट शेयर सदस्यमा रुपान्तरित भएका सदस्यहरुलाई मायाको चिनोको साथमा सम्मान गरी सहकारी शिक्षा एवं वित्तीय साक्षरतासम्बन्धी सैद्धान्तिक ज्ञान प्रदान गरिएको थियो । संस्थाकी सञ्चालक समिति सदस्य एवं धुलिखेल सेवाकेन्द्र व्यवस्थापन उपसमितिकी संयोजक श्री गायत्री खड्काको संयोजकत्वमा सम्पन्न शिक्षा शिविरमा व्यवस्थापन उपसमिति सदस्यहरु श्री सुनिल के.सी., श्री राम यगोल र श्री भरतबहादुर बस्नेतको उपस्थिति रहेको थियो भने समग्र सहकारी, नेपालको सहकारी अभियान, बुडोल सामुदायिक साकोस र वित्तीय साक्षरतासम्बन्धी विषयमा संस्थाका कार्यकारी अधिकृत श्री रामकृष्ण रायक्षेत्रीले प्रशिक्षण दिनुभएको थियो । यसैगरी संस्थाले प्रयोग गरिरहेको प्रविधि र सदस्यहरुलाई प्रदान गरिरेहेका प्रविधिमा आधारित सेवाहरुका बारेमा सूचना प्रविधि विभाग प्रमुख श्री जनककुमार थापाले प्रस्तुतीकरण गर्नुभएको थियो । कार्यक्रमको सञ्चालन धुलिखेल सेवाकेन्द्र प्रमुख श्री कृष्टिना श्रेष्ठले गर्नुभएको थियो जसमा ३४ जनाको उपस्थिति रहेको थियो ।
