आर्थिक वर्ष ०७९/०८० को वार्षिक समीक्षा बैठक सम्पन्न

बुडोल सामुदायिक बचत तथा ऋण सहकारी संस्थाले आर्थिक वर्ष ०७९/०८० को वार्षिक समीक्षा बैठक सम्पन्न गरेको छ । मिति २०८० भदौ २ गते, शनिबार गौतम भिलेज रिसोर्ट, बनेपामा सम्पन्न बैठकमा सञ्चालक समिति, लेखा सूपरिवेक्षण समिति, सल्लाहकार, विभिन्न उपसमिति, सेवाकेन्द्र व्यवस्थापन उपसमिति र उच्च व्यवस्थापनका कर्मचारीहरुको उपस्थिति रहेको थियो । संस्थाका सचिव श्री जयराम थापाज्यूले सञ्चालन गर्नुभएको कार्यक्रममा संस्थाका उपाध्यक्ष श्री प्रेमनाथ शर्मा कोईरालाज्यूले स्वागत मन्तव्य राख्नुभएको थियो भने संस्थाका अध्यक्ष श्री कैलाश के.सी.ज्यूले बैठकको उद्देश्य माथि प्रकाश पार्नुभएको थियो । बैठकमा प्रत्येक सेवाकेन्द्र प्रमुखहरुले आ–आफ्नो सेवाकेन्द्रको वार्षिक प्रगति विवरण प्रस्तुत गर्दै सेवाकेन्द्रले सामना गरिरहेको चुनौती तथा अवसरहरुको बारेमा समेत प्रकाश पार्नु भएको थियो । संस्थाको वार्षिक कार्ययोजनाको अनुपातमा संस्थाले प्राप्त गरेको उपलव्धिहरुको समिक्षात्मक वार्षिक प्रगति विवरण संस्थाकी कार्यकारी अधिकृत श्री रञ्जना सुवालज्यूले प्रस्तुत गर्नुभएको थियो । संस्थाका व्यवस्थापन प्रमुख श्री रामकृष्ण रायक्षेत्रीज्यूले आर्थिक वर्ष २०८०/०८१ को लागि तयार पारिएको वार्षिक कार्ययोजना अनुसार मुख्य कार्यसम्पादन सूचकाङ्क (KPI) प्रस्तुत गर्नुभएको थियो । बैठकले आर्थिक वर्ष ०७९/०८० मा संस्थाले गरेकोे प्रगतिउपर छलफल गरी आगामी दिनहरुका लागि आवश्यक सुधारका रणनीतिहरु समेत तर्जुमा गरेको छ ।