स्व. सुजनको परिवारलाई रु.१ लाख हस्तान्तरण :

यस संस्थाको आयोजनामा स्व. सुजन सुवालको परिवारलाई दुर्घटना बीमा रकम हस्तान्तरण गर्नका लागि २०७२ असार ४ गते दुर्घटना बीमा रकम हस्तान्तरण कार्यक्रम सम्पन्न भएको छ। गत बैशाख १२ गतेको विनाशकारी भुकम्पले निम्त्याएको दुर्घटनामा परी बनेपा न.पा.११, बुडोल निवासी १९ वर्षिय सुवालको मृत्यु भएको थियो। कार्यक्रमका प्रमुख अतिथि डिभिजन सहकारी कार्यालय, काभे्रका अधिकृत श्री चेतनाथ गिरीले मृतकका बाबु बुद्धिनारायण सुवाललाई बीमा क्षतिपूर्ति रकम रु. १ लाखको चेक हस्तान्तरण गर्नुभएको थियो। संस्थामा आवद्ध १६ वर्षदेखि ६० वर्ष उमेर समूहका सम्पूर्ण सदस्यहरुलाई प्रुडेन्सियल ईन्स्योरेन्स कम्पनीसंगको सहकार्यमा संस्थाले निःशुल्क सामुहिक दुर्घटना बीमाको सुविधा उपलब्ध गराउँदै आएको छ।