ज्येष्ठ नागरिक सदस्य सम्मान कार्यक्रम–२०७६ सम्पन्न

आज अन्तर्राष्ट्रिय ज्येष्ठ नागरिक दिवस (अक्टोबर १ तारिख) को अवसरमा संस्थाले ज्येष्ठ नागरिक सदस्य सम्मान कार्यक्रम सम्पन्न गरेको छ । कार्यक्रममा संस्थामा आवद्ध ७५ वर्ष उमेर पूरा भएका १५५ जना सदस्यलाई सम्मान गरिएको छ । सदस्यहरुको सहजतालाई मध्यनजर गर्दै नाला क्षेत्रको लागि टुकुचा जागरण सेवाकेन्द्र, बनेपा क्षेत्रको लागि बनेपा सेवाकेन्द्र, बुडोल र आसपासका क्षेत्रको लागि मुख्य कार्यालय र धुलिखेल क्षेत्रको लागि धुलिखेल सेवाकेन्द्रमा एकैपल्ट सम्मान कार्यक्रमको आयोजना गरिएको हो । अशक्त सदस्यको हकमा भने घरमा नै गई सम्मान प्रदान गरिएको छ । संस्थाले कार्यक्रमको लागि छुट्याईएको बजेट सँगसँगै सहयोगीहरूबाट संकलन गरिएको रकम समेतबाट सम्मानित हुने ज्येष्ठ नागरिकहरूलाई नगद रू.३००।– सहित ऊनीको ओढ्ने, हर्लिक्स, बिस्कुट, साबुन उपहार प्रदान गरिएको थियो । संस्थाले विगत १६ वर्षदेखि ज्येष्ठ नागरिक सम्मान कार्यक्रमलाई निरन्तरता दिदै आएको छ ।