बुडोल सामुदायिक साकोसको २४औं वार्षिक साधारण सभा सम्पन्न

समुदायमा आधारित रहेर सदस्यको सामाजिक, साँस्कृतिक र आर्थिक विकासमा निरन्तर सेवारत यस बुडोल सामुदायिक बचत तथा ऋण सहकारी संस्था लि.को २४औं वार्षिक साधारण सभा सम्पन्न भएको छ । संस्थाका अध्यक्ष श्री कैलाश के.सी.को सभापतित्वमा बनेपा, नाला र धुलिखेल एकाईमा मिति २०८० असोज १३, १५ र १६ गते एकाई बैठक सम्पन्न गरी आज मिति २०८० असोज १८ गते सबै एकाईबाट छनौट भएका प्रतिनिधिहरूको उपस्थितिमा एकाई प्रतिनिधिहरूको निर्णय प्रमाणित सभा समेत सम्पन्न गरियाे । संस्थाका अध्यक्ष श्री कैलाश के.सी.को संयोजकत्वमा होटल उग्रचण्डी एण्ड बैंक्वेट, बनेपामा सम्पन्न साे सभाकाे कार्यक्रम संस्थाका व्यवस्थापन प्रमुख श्री रामकृष्ण रायक्षेत्रीले सञ्चालन गर्नुभएको थियो । तिन वटै एकाईबाट छनौट भएर आउनु भएको एकाई प्रतिनिधि र निर्णय प्रमाणितकर्ताहरूकाे साथमा आज अन्तिम निर्णय प्रमाणित गर्न चयन भएका निर्णयकर्ताहरूले सभामा आ-आफ्नाे एकाईकाे निर्णय पुस्तिका र अन्तिम निर्णय पुस्तिकामा हस्ताक्षर गरी कार्यक्रम सम्पन्न गर्नुभएको थियो । आर्थिक वर्ष २०७९।०८० को अन्त्यमा संस्थाको कुल सम्पत्ति रु.१,८२,७६,४६,२२८।०४, कुल बचत रु. १,४३,३६,५३,६८९।५०, शेयर पूँजी रु.१५,८९,२७,२००।००, लगानीमा रहेको ऋण रु. १,३२,३२,०१,९९२।८९, संस्थागत पूँजी रु. १४,३०,६२,०६८।४२ र संचालन मूनाफा रु.७,३४,८४,६७९।१९ रहेको विवरण सम्बन्धित प्रतिवेदन प्रस्तुतकर्ताले प्रस्तुत गर्नुभएकोमा सभाले पारित गरेकाे थियो । साथै सभाले सदस्यहरुलाई १५ प्रतिशतका दरले शेयर लाभांश वितरण गर्ने र संरक्षित पूँजी फिर्ता कोषबाट बचतमा योगदान गर्ने सदस्यहरुलाई ३.५५ प्रतिशत र ऋणमा योगदान गर्ने सदस्यहरुलाई ३ प्रतिशतका दरले हुन आउने रकम वितरण गर्ने निर्णय गरेको छ ।