वित्तीय साक्षरता शिविर सम्पन्न

आज मिति २०८० पुष ५ गते, बिहिबार यस बुडोल सामुदायिक बचत तथा ऋण सहकारी संस्था लि. अन्तगर्तको बनेपा जनमैत्री सेवाकेन्द्र कार्यालय, बनेपाले संस्थाको रजत महोत्सवको सन्दर्भमा बनेपा–११, पाकुडोलमा “वित्तीय साक्षरता शिविर” सम्पन्न गरेको छ । शिविरमा बनेपा जनमैत्री सेवाकेन्द्र प्रमुख श्री अशोक खत्रीले प्रस्तुतीकरण गर्नुभएको थियो भने सदस्य सेवा शाखा प्रमुख श्री अनिता थापाले सहजीकरण गर्नुभएको थियो । शिविरमा कर्मचारीहरु श्री सविना श्रेष्ठ, श्री सुशान्त दाहाल, श्री सुजन घिमिरे र श्री राजाराम भुजेल सहित ४१ जना सदस्य तथा सम्भावित सदस्यहरुको सहभागिता रहेको थियो । शिविरमा वित्तीय साक्षरता संगै सहकारी शिक्षा सम्बन्धी पनि प्रस्तुतीकरण भएको थियो ।