कर्मचारी क्षमता अभिवृद्धि तथा उत्प्रेरणा कार्यक्रम सम्पन्न

यस संस्थाले जिल्लाका अन्य ५ संघ/संस्थाको सह–आयोजनामा कर्मचारीहरूको क्षमता अभिवृद्धिको लागि १ दिने Personal Change & Motivation Training Program सम्पन्न गरेको छ । जिल्ला बचत तथा ऋण सहकारी संघ काभ्रे, बुडोल सामुदायिक साकोस, सामुदायिक साकोस, आभाष साकोस, एक्सप्रेस साकोस र आर्थिक समृद्धि साकोसको संयुक्त आयोजनामा मिति २०७४ पौष २२ गते शनिबार बनेपा–६, बुडोलस्थित चेतना केन्द्रमा उक्त कार्यक्रम सम्पन्न भएको थियो । ६ वटा संस्थाबाट ८० जना कर्मचारीको सहभागिता रहेको उक्त तालिम कार्यक्रमको सहजीकरण नेशनल इन्ष्टिच्यूट फर लिडरशिप डेभलपमेन्ट प्रा.लि.का तर्फबाट प्रशिक्षकद्वय विकलप्रसाद शेरचन र उषा मल्ल सिंहले गर्नुभएको थियो । तालिमपश्चात् सहभागीहरूबाट व्यवहारिक अभ्यास र अन्तर्कृयासहितको प्रभावकारी तालिम प्राप्त गरेको र यसको सिकाई आफ्नो जीवनमा समेत लागू गर्ने प्रतिक्रिया प्राप्त भएको छ भने आयोजक ६ वटै संस्थाका व्यवस्थापकहरूले कर्मचारीहरूको क्षमता अभिवृद्धिको लागी यस्तै खालका तालिमहरू भविष्यमा पनि आयोजना गरिने जानकारी दिनुभएको छ ।